Израел одби да го признае Косово

Петок, 30 Ное 2018 | Прочитано 114 пати.

Израел одбил да ја признае косовската независност, пишува приштинскиот весник „Коха“ и како што наведува тоа се случило и покрај тоа што претседателот Хашим Тачи и дал добра понуда на владата на Бенјамин Нетанјаху.

Според зборовите на директорот за Балканот, при Министерството за надворешни работи на Израел, Дан Ориан, Тачи пред два месеци предложил Косово да отвори своја дипломатска мисија во Ерусалим во замена за признавање на косовската независност.

– Нашата позиција е сосема јасна. Нема да ја признаеме независноста на Косово, колку што знам нема причина за промена на нашиот став. Израел е целосно свесен колку е ова чувствително прашање на Балканот, рече портпаролот на израелското министерство за надворешни работи Емануел Насон, а пренесува „Коха“.

Се наведува дека Ориан го известил српскиот претседател Александар Вучиќ дека Косово во Израел ќе отвори само трговско претставништво, со кое ќе раководат израелски бизнисмени.

[назад]
loading...
Коментари