Никос Коѕијас во посета на Косово

Петок, 13 Апр 2018 | Прочитано 168 пати.

Претседателот на Косово, Хашим Тачи изјави дека Косово го цени позитивниот и принципиелен став на Грција, кога е во прашање европската перспектива на Косово.


„Високо ја цениме поддршката на Грција за членство на Косово во меѓународните организации и бараме поддршката да стане даум за членство во Интерпол, Унеско, НАТО, како во Обединетите Нации“, изјави Тачи на состанокот со грчкиот министер за надворешни работи, Никос Коѕијас.


Шефот на грчката дипломатија рече дека нормализацијата на односите помеѓу земјите од Западен Балкан, но и во самата Европска Унија, е особено значајна.


„Ја поздравувам европската интеграција на сите нивоа кога се во прашање земјите од Западен Балкан“, рече тој.


Тачи и Коѕијас разговараа за процесот на отворање на Канцеларијата на Косово во Атина, која ќе овозможи зајакнување на билатералните и економските односи помеѓу двете земји.


Пред состанокот со косовскиот претседател, шефот на грчката дипломатија се состана и со првиот заменик премиер и министер за надворешни работи Беџет Пацоли, но најавената конференција помеѓу двајцата министри не се одржа.

[назад]
loading...
Коментари