Струга не е ничиј „двор на татко му“

Среда, 10 Апр 2013 | Прочитано 756 пати.

Политичарите да внимaваат какви изјави даваат и да не ги поткопуваат и така кревките меѓуетнички односи во Струга и струшко со националистички изјави и пораки, порачуваат добрите познавачи на приликите во градот, пренесува Радио Слободна Европа.
Инцидентот во струшкото село Враништа неколку часа по заршувањето на изборниот процес, а во кој беа инволвирани стотина млади луѓе од сите вери и националности е доволен доказ за тоа.

Рубин Земун, експерт за малцински прашања и професор во Институтот Евро Балкан, вели дека досега говор на омраза кај нас ниту еднаш не е санкциониран, иако последните неколку години имало случаи на говор на омраза и тоа по етничка основа, а имало пријави и до јавниот обвинител, пренесува Радио Слободна Европа.

- Во некои модели на Запад, ако јавниот обвинител не реагира на говор на омраза, тој автоматски сноси кривична одговорност. Поради тоа што таквите примери не се санкционираа на време може да дојде до ескалација од поголеми размери. Тоа што беше иницирано за време на изборната кампања со изјави за некакви прошетки по етнички територии создава голема недоверба кај граѓаните. Градоначалниците треба да упатат пораки за смирување, за граѓаните да ги чувствуваат како свои градоначалници - вели Земун.

Не требаше ова да се случи ова што се случи. Нам ни беше страв тоа да не се рефлектира во училиштето. Не треба само политичарите туку треба секој граѓанин да мисли и да не дозволи такви работи да се случуваат - Урим Крек, директор на гимназијата во Струга.

Тој посочува дека новиот градоначалник на Струга треба да внимава каква ќе биде неговата политика во наредните 4 години.

Треба да биде свесен дека Струга отсекогаш била мултикултурна средина и дека не треба да заборави дека даноци не плаќа една етничка заедница или една верска заедница - вели Земун.

 - Одреден број на ученици од струшките села како Лабуништа, Подгорци и други не одеа на настава во Струга по инцидентот во Враништа, да не се направат нови инциденти.

Директорот на струшката гимназија, Урим Крека вели дека прават се да не дозволат инцидентите од надвор да се пренесат и во училиштата.

[назад]
loading...
Коментари