Хан убеден дека може да се најде решение за спорот за името

Среда, 16 Мај 2018 | Прочитано 148 пати.

Еврокомесарот за проширување Јоханес Хан во интервју за грчкиот весник „Та неа“, изрази убеденост дека може да се постигне решение за спорот за името меѓу Македонија и Грција. Според него, самитот во Софија нема да биде одлучувачката точка за тоа дали ќе има решение, туку тоа што е важно во процесот е квалитетот на договорот.


„Доколку е изводливо во Софија, ќе биде уште подобро. Но, најважна е одлучноста на двајцата лидери да стигнат до компромис прифатлив за двете земји. Решението не е добро само за Македонија, туку и за целиот регион“, посочува Хан.


Тој посочува дека на претстојниот самит ЕУ-Западен Балкан во Софија, уште еднаш ќе се потврди европската перспектива на земјите од регионот и ќе има и конкретни проекти.


Извор: Радио Слободна Европа

[назад]
loading...
Коментари

Македонија