Вкупно 81 година затвор за напаѓачите на Села

Четврток, 05 Јул 2018 | Прочитано 1,713 пати.

Судот денеска одреди вкупно 81 година затворски казни за седуммината обвинети за нападот на пратеникот Зијадин Села. Тие се осудени за кривичното дело убиство.


Кире Ѓорѓиевски 13 години, Андреј Мицов 10 години и шест месеци, Оливер Ошавковски 10 години и шест месеци, Николче Димитриевски 10 години и шест месеци,Александар Јаневски – Тошта 13 години, Никола Војминовски 13 години и шест месеци и Коста Делев 10 години и шест месеци.


Обвинителот Дарко Јакимовски побара притвор до правосилноста на пресудата, поради можност за бегство. За двајца од осудените побара да им биде дозволен куќен притвор, поради влошената здравствена состојба.


Некои од сега осудените, за време на инцидентот, го собориле Села на подот и го газеле и гмечеле со што дополнително предизвикале чувство на несигурност кај присутните.


Самиот влез во Собранието и нападот над пратеник, носител на законодавната власт е отижителна околност, а пак слободното движење низ законодавниот дом е доказ дека осудените свесно влегле внатре. Дејствијата преземени од Александар Јанески и Никола Војминовски со извлекувањето на пратеникот Села се клучните според судот, бидејќи ако не се случило тоа, тогаш, немало да има напад врз пратеникот. За Кире Ѓорѓиевски, според судот, најотежителна околност е што го удрил Села во пределот на главата, кога оштетениот не давал знаци на живот.


Васко Маглешов


Извор: a1on.mk

[назад]
loading...
Коментари