Македонија ја совлада Ерменија во Лигата на нациите

Понеделник, 10 Сеп 2018 | Прочитано 82 пати.

Македонија ја совлада Ерменија со 2:0 во натпревар од второто коло на Лига на нациите, кој се одигра синоќа. 


Македонските фудбалери ја искористија предноста на домашниот терен и одлично го започнаа натпреварот.


Гостите во 12-та минута направија прекршок во шеснаесетникот врз капитенот Горан Пандев, а главниот судија досуди пенал, по што фудбалерот на Лидс, Езџан Алиоски, успешно реализираше од белата точка за водство на Македонија од 1:0.


На стартот од второто полувреме ерменските фудбалери се обидоа да воспостават контрола на теренот и да извршат поголем притисок врз македонскиот гол, но во 59-та минута Пандев беше прецизен и ја зголеми предноста за Македонија на 2:0.


До крајот на натпреварот македонските фудбалери не дозволија изненадувања и остварија победа во еден од двата клучни дуели во Лигата на нациите.


Македонија настапува во Групата 4 од Лига Д, а претходно на гости го совлада Гибралтар со 0:2.

[назад]
loading...
Коментари