Уапсени четири лица за кражбата на злато на аеродромот во Сао Паоло

Понеделник, 29 Јул 2019 | Прочитано 169 пати.

Бразилската полиција уапси четири лица осомничени за кражбата на 720 килограми злато, што се случи во четвртокот на меѓународниот аеродром во Сао Пауло.


Како што соопшти локалната полиција, меѓу уапсените за кражбата на товарниот терминал на аеродромот има и еден аеродромски службеник.


Полицијата ја продолжува истрагата, но сè уште не го пронајде украденото злато, чија вредност е проценета на околу 110 милиони бразилски реали (30 милиони долари).


Според полицијата, групата, која била составена од најмалку 20 лица, прво го киднапирала директорот на карго сервисот на аеродромот и неговото семејство и ги држеле како заложници, за да го натераат на соработка. Потоа, во четвртокот  дошле на аеродромот во пикап возила исфарбани за да личат дека се полициски, а неколку минути подоцна побегнале со златото.


Полицијата претходно соопшти дека проверува дали станува збор за истата група која минатата година од друг аеродром во Сао Паоло украде пет милиони долари.


Операторот на аеродромот, компанијата ГРУ Ерпорт, соопшти дека златото требало да биде транспортирано за Торонто и Њујорк.

[назад]
loading...
Коментари